Тирсә авыл җирлеге чистарды!

2025 елның 4 апреле, җомга

Тирсә авыл җирлеге оешмалары коллективы, кыш буена җыелган чүп-чардан торак пунктлар арасындагы юл территориясен тәртипкә китерү өчен, өмәгә чыктылар.

Бергәләп гомуми белем бирү мәктәбе, “Миләүшә” балалар бакчасы, СМП-184, Тирсә авыл җирлеге башкарма комитеты, мәдәният йорты һәм авыл китапханәсе хезмәткәрләре хезмәт куйды.

Уртак тырышлык белән 94 капчык чүп-чар җыя, юл кырыйларын чистарта һәм авыл җирлеген уңайлырак итә алдык.

Мондый акцияләр экологияне яхшырта гына түгел, кешеләрне берләштерә, бергә күп нәрсәне булдыра алуыбызны күрсәтә.

Хезмәтегез һәм җаваплылыгыгыз өчен барлык катнашучыларга рәхмәт!

Шулай ук җирлек халкын читтә калмаска һәм безнең хәрәкәтебезгә чисталык өчен кушылырга чакырабыз.