Татарстан авыл ипотекасы буенча лидер төбәкләр рәтенә керде
Шулай ук лидерлар өчлегенә Башкортостан Республикасы һәм Удмурт Республикасы кергән.
Татарстан Росреестры “Авыл ипотекасы” программасын гамәлгә ашыруга йомгаклар ясады. Аның гамәлләре башланганнан алып (2020 елның гыйнвары) 2025 елның 1 апреленә кадәр ведомство тарафыннан 4 506 ипотека теркәлгән.
Теркәлү гамәлләренең иң күп өлеше программа кысаларында сату-алу килешүләренә туры килә, алар нигезендә 4048 милек хокукы теркәлгән, калган өлеше - өлешләп катнашу шартнамәләре нигезендә. Иң кирәкле программа Питрәч, Лаеш һәм Биектау районнарында кала
«Татарстанда «авыл ипотекасы» дәүләт программасы буенча безнең ведомство тарафыннан 5 ел эчендә 4,5 меңнән артык авыл ипотекасы теркәлгән. Бу торак шартларын яхшыртуга юнәлтелгән дәүләт ярдәме чараларының берсе.