Әгерҗедә Җиңү көнен бәйрәм итү кысаларында чаралар афишасын бастырабыз

9 майда 10.00 сәгатьтә Мәңгелек ут мәйданында чәчәкләр салу акциясе һәм бер минутлык тынлык булачак. 10.00 дән 11.00 сәгатькә кадәр К.Маркс урамы ябылачак, бу вакытта катнашучыларны стадионга күчерү гамәлгә ашырыла. Быел "Хәтер дивары" масштаблы уникаль проекты тәкъдим ителәчәк. Безнең якташ-геройларның фотосурәтләре һәм исемнәре төшерелгән зур экспозиция махсус булдырылды һәм Ватанны саклаучылар елына һәм Бөек Ватан сугышында Җиңүнең 80 еллыгына багышланды.

11.00 дән стадионда төп тантана башлана. Ул Хезмәт коллективларының Җиңү Парадыннан старт ала. Бәйрәм сафында батыр якташларының оныклары һәм оныкчыклары узачак.

"Бөек илебезнең Бөек Җиңүе" исемле театральләштерелгән төп тамаша 9 майда 11.30 сәгатьтә "Локомотив" стадионында узачак. Шул ук вакытта тематик, балалар мәйданчыклары, солдат боткасы эшли башлаячак.