Саба районыннан 11 яшьлек Әнисә Зарипова Халыкара балалар картасы конкурсында катнашуга номинацияләнгән
Быел бәйгенең Россия этабында бөтен илдән 260 бала катнашты.
Барбар Печеник исемендәге Халыкара балалар картасы халыкара конкурсының Россия этабы жюри утырышы йомгаклары буенча, аның барышында һәр яшь категориясендә җиңүчеләр билгеләнде, Саба районыннан Әнисә Зарипова 9 яшьтән 12 яшькә кадәрге яшь категориясендә 1 урынны алды. Конкурска «Гармония» эше тәкъдим ителде. Шулай ук Татарстан Росреестры хезмәткәре кызы конкурсның халыкара этабында катнашуга номинацияләнгән. Аның нәтиҗәләре 2025 елның августында Ванкувердагы Халыкара картографик конференциядә игълан ителәчәк.
4 нче сыйныф укучысы Әнисә Зариповага күптән түгел 11 яшь тулды. Аның әнисе, Татарстан Росреестрында эшләүче Эльмира Зарипова сөйләгәнчә, кызы кечкенәдән үк рәсем ясарга ярата, Саба сәнгать мәктәбендә икенче ел гына шөгыльләнә, әмма аның нәтиҗәләре инде бик яхшы. Шулай ук Әнисә хореография белән мавыга.