Әгерҗедә яңа балалар поликлиникасы пәйда булачак!

“Әгерҗе үзәк район хастаханәсе” стационар бинасын капиталь төзекләндерү эшләре бара.

Шуның белән бергә балалар шәһәр поликлиникасы бинасының тузган булуы да кискен булып калды. 1926 елда төзелгән бинада бер тапкыр да капиталь ремонт ясалмаган. Бинаның 90% ы диярлек тиешле стандартларга туры килми.

Әгерҗе муниципаль районы башлыгы Ленар Нургаянов Рәис Нургали улы Миңнехановның мөрәҗәгате буенча бу социаль мәсьәлә дә хәл ителәчәк. Барлык кирәкле документлар җибәрелде.