Әгерҗе районында коррупция: җәмәгатьчелек фикерен сораштыру нәрсә күрсәтте һәм халык бу күренешкә каршы көрәшне ничек бәяли?
Безнең районда коррупция фактлары очрыймы һәм бу күренеш турында җәмәгатьчелек нәрсә уйлый? Коррупциянең торышы, коррупциягә каршы чараларның нәтиҗәлелеге турында җәмәгатьчелек фикерен өйрәнү өчен районаерҗе районы сайтында ике анкета урнаштырылган иде – эшмәкәрләрдән аерым сораштыру үткәрелде.
Сораштыру нәтиҗәләре турында район башлыгының коррупциягә каршы көрәш мәсьәләләре буенча ярдәмчесе Анастасия ХАЛИКОВА сөйли.
Сораштыруларда барлыгы 138 кеше катнашты, шул исәптән 22 эшмәкәр.
Ачыкланганча, сораштырылучыларның 41 проценты коррупциягә каршы көрәш өлкәсендә закон нормаларын бик яхшы белә,ә 59 проценты-гомуми сызыкларда таныш. Бу факт районда профилактик эшнең тиешле дәрәҗәдә алып барылуы турында сөйли.
Коррупция фактлары турында хәбәр итүнең иң популяр ысулы дип 25 процент ышаныч телефонын, 22 – интернет кабул итү бүлмәләрен, 16-Ышаныч тартмасын таныды. Шунысы кызык, 12 процент аноним хат язарга теләр иде.
Респондентларның 19 проценты җирле үзидарә органнарында коррупцияле эшчәнлек өлкәсе юк дип саный. Коррупция күчмә тикшерүләр үткәргәндә, дәүләт милке белән идарә итү өлкәсендә (җир кишәрлекләре, биналар бүлеп бирү), дәүләт сатып алулары өлкәсендә таралырга мөмкин дип санаучылар да бар. Ләкин андыйлар күп түгел.
Тулырак-безнең сайтта