Яшьләр “Экстремизмга - юк!” кысаларындагы велоузышта катнашты.

Татарстан республикасында бу араларда "Экстремизмга - юк!" дигән айлык уза. Әлеге проектта республиканың дини оешмалары да катнаша. Бүген Татарстан Диния нәзарәте, республика митрополиясенең яшьләр белән эшләү бүлекләре, яхүди һәм католик җәмәгатьчелеге белән берлектә, "Экстремизмга -юк!" айлыгы уңаеннан велоузыш оештырды. Әлеге уртак проект Татарстанда төрле дин вәкилләренең үзара килешеп, тату яшәүләрен күрсәтә, шул ук вакытта ул татарстанлыларның экстремизм кебек тискәре куренешләргә каршы булуларын раслый.