Татарстанда карабодайга кытлык юк.

Татарстанда карабодайга кытлык юк. Елына бер кешегә 3,5 кг карабодай куллану нормасында республика тулысынча үзен әлеге ярма белән тәэмин итә, диелгән ТР Авыл хуҗалыгы һәм азык-төлек министрлыгы сайтында. Федераль дәүләт статисткасы хезмәтенең территориаль органы мәгълүматлары буенча, Казанда карабодай ярмасына уртача ваклап сату бәясе 5 ноябрьгә килограммы 30,89 сум тәшкил иткән. Бу, узган елның шул чоры белән чагыштырган вакытта, 0,2 процентка түбәнрәк. Моннан тыш, 6 сентябрьдән башлап республиканың шәһәрләре һәм район үзәкләрендә үткәрелүче авыл хуҗалыгы ярминкәләрендә карабодай  килограммы 25-28 сумнан сатыла.