Мәктәпләргә – герой исемнәре

Бөек Җиңүнең 70 еллыгы уңаеннан һәм үсеп килүче буында патриотик хисләр тәрбияләү максатында “Россия өчен“ халык фронты җәмәгать хәрәкәте Россия күләмендә “Мәктәпкә – герой исеме“ проекты игълан итте.

Безнең районнан әлеге проектта 10 мәктәп катнашырга теләк белдерде.

20 февральдә Исәнбай мәктәбендә – Советлар Союзы Герое Асаф Абдрахманов, Тирсә мәктәбенә Чечня бәрелешндә һәлак булган Раушан Фатыйхов исемен бирү буенча тантаналы чаралар узды. Укучылар геройларның тормыш юлларын искә төшерделәр, аларның батырлыклары турында сөйләделәр.