Батырларның даны мәңгелек!

Кадыбаш балалар бакчасында 28 нче апрель көнне "Батырларның даны мәңгелек!" дигән кичә үткәрелде .Бу кичәгә бакчага йөрүче балаларның әби-бабайлары, Кадыбаш авылы китапханәчесе чакырылды. Балачаклары сугыш чорына туры килгән әби-бабайларның ул вакытларның авырлыгы турында балаларга сөйләделәр. Китапханәче авылыбыздан сугышка киткән ир-егетләр, бүгенге вакытта исән-сау булган сугыш ветераны турында, сугыш чорында балаларның хезмәте турында сөйләде. Соңыннан балалар бик матур концерт номерлары күрсәттеләр һәм кичә чәй өстәле артында дәвам итте.