Җиңү бәйрәмендә 90 яшь тулды

2015 елның 10 мае, якшәмбе

9 Май бәйрәме көнне Кадыбашта гомер кичерүче Кәшифә САДЫЙКОВАга 90 яшь тулды.

Җиңүне якынайтуга тылда көнне төнгә ялгап эшләгән, бу чорда трактор иярләгән, фермада терлек караган, сугыш тәмамлангач колхозда хезмәт куйган, ире Рөстәм белән дүрт бала тәрбияләп үстергән юбилярны район башлыгы урынбасары Ришат Нурисламов, авыл башлыгы Илфат Рамазанов тәбрикләделәр.  

Кәшифә апа хәзер кызы Әсфирә тәрбиясендә яши. Әле хуҗалыкта вак-төяк эшләрне башкара. Күзлексез укый, сәламәтлегенә дә зарланмый. 

- Ходай дүрт балама, җиде оныгыма, алты оныкчыгыма да минеке кебек озын гомер бирсен, - дип теләде ул. 


ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International