Исәнбай мәдәният йортында Бөек Җиңүнең 70 еллыгына багышланган тантаналы митинг булды.

Митингта сугыш һәм тыл ветераннарын авыл җирлеге башлыгы Сираев Ф.Ф., район Советы депутаты һәм җаваплылыгы чикләнгән “ ЖилэнергоСервис” ширкәтенең директоры Ямалиев И.И., ветераннар Советы рәисе Таҗетдинов Р.И., оешма җитәкчеләре кайнар котладылар. Балалар бакчасы нәниләре һәм укучылар үзләренең матур чыгышларын күрсәттеләр. Исәнбай урта мәктәбе коллективының “ Үлемсез полк” хәрәкәте белән митингка төшүе аеруча игътибарга лаек булды. Митинг Бөек Ватан сугышында һәлак булганнарны, хәбәрсез югалганнарны һәм кайтып үлгәннәрне искә алу, һәйкәл каршына веноклар салу белән тәмамланды.