Халык акчасы ничек тотыла

Бу сорауга җавап бик күп әгерҗелеләрне кызыксындыра. Шәһәр башкарма комитеты җитәкчесе Роман Альчиковтан  без дә “Әгерҗедә халыктан җыелган үзара салым акчасына нинди эшләр башкарылачак?“ дип сорадык.  

– Әгерҗе шәһәрендә яшәүчеләрдән 946 мең сум үзара салым акчасы җыелды. Бу сумма менә нинди эшләргә бүленде:

– 306 мең сум – ике мөселман зиратына;

– 140 мең – христиан зиратына;

– 200 мең сум – карт, корыган агачларны кисүгә;

– 300 мең сум – шәһәр урамнарын яктыртуга.

Бераз соңрак һәр тармакка күпме акча бүленгән шул суммага Хөкүмәттән дә һәр бер сумына дүрт сум өстәлеп акча керәчәк. Бу акча да әлеге эшләргә тотылачак.