Красный бор мәчете – иң матур мәчетләрнең берсе

Аллаһ йорты Красный бор участок хастаханәсенә бару юлында иң матур урында урнашкан. Мәчете дә гадәти генә түгел: бик матур тәрәзәләр уелган, манарасы да төсле кирпечтән. Мәчетнең диварлары күтәрелеп беткән, түбәсе дә ябылып бетү алдында. Тик финанс кытлыгы гына чабудан тартып тора. 

– Бәлки, изге эшкә үз өлешен кертергә теләк белдерүчеләр табылыр. Андыйларга без бик тә рәхмәтле булыр идек, – диләр Аллаһ йортын төзүдә башлап йөрүчеләр.

Башлап йөрүчеләргә  килгәндә, алар күпләр. Рәшит Мөхәммәтдинов, Габделбәр Муллахмәтов, Җәүдәт Гыйльфанов, Фәйзелхак Рәфыйков, Яхъя Ишиков һәм башкалар – мәчет юлыннан кайтып та кермиләр диярлек. 

– Шулай булмый ни?! Безнең иң зур хыялыбыз бит ул авылыбызны мәчетле итү – диләр кардәшләребез.