Бу көннәрдә Әгерҗедә Энгельс, Пушкин, Пионерская һәм тагын берничә урамда халыкка су чистарту фильтрлары тәкъдим итеп йөрүчеләрне күргәннәр. Хакы да шалкан бәясе генә түгел: 13 мең сумга кадәр дигәннәр.
– Безнең шәһәрдә эчә торган су барлык таләпләргә җавап бирә. Халык тәмле телле сәүдәгәрләр сүзенә алданмасын, шундый югары хакка су чистарту фильтры сатып алырга ашыкмасын иде, – дип мөрәҗәгать итә әгерҗелеләргә “Водоканал“ директоры Илдус Шәймөхәммәтов.