Грипптан сакланасың килсә, прививка ясат

Татарстанның медицина учреждениеләренә гриппка каршы вакциналар кайтарыла башлаган. Әгерҗе районына 2100 данә балалар иммунизациясе препараты кайткан.

“Авылларда яшәүчеләр прививканы үз фельдшерлык-акушерлык пунктларында, әгерҗелеләр балалар консультациясендә ясата ала“, – диләр табиблар. Тиздән олылар өчен дә вакцина кайтачак. “Грипп башланганчы организмда иммунитет барлыкка килсен өчен, прививканы вакытында ясатырга кирәк“, – дип киңәш бирәләр ак халат ияләре.