Әгерҗе районы мөселманнары корбан чала

Быел Әгерҗе районында корбан чалдыручылар аеруча күп. Кечкенә генә Биектау авылында да гаетнең беренче көнендә 12 кардәшебез корбан чалдырды. Әлеге авыл мәчете исеменнән корбан чалынып, авылда яшәүчеләр мәҗлескә чакырылып зурланды. 

Бүген Корбан бәйрәменең икенче көне. Корбанлыкларны әле шимбә көн кояш баеганчыга кадәр чалырга мөмкин. Аллаһының рәхмәтен өмет итеп чалган корбаннарыгыз кабул булсын, мөхтәрәм райондашларыбыз.