Әгерҗе паркында – полиция овчаркалары

“Форпост“ хезмәткәрләре Әгерҗе полициясе хезмәткәрләре белән берлектә шәһәрнең сигезенче сыйныф укучылары өчен әле күптән түгел генә ачылган “Яшьлек“ паркында чара уздырдылар. Чарада укучылар кинолог һөнәре белән таныштылар, этләрне дрессировкалау нечкәлекләре турында белделәр. Кинологлар Рәшит Ахунов һәм Рәдүл Закиров укучыларга этләр белән берлектә төрле чыгышлар күрсәттеләр. Чара ахырында балалар рәхәтләнеп әлеге дүртаяклы дуслары белән аралаштылар, фотога төштеләр.