Әгерҗедә - агач таулар

Быел район башлыгы Валерий Макаров шәһәребездә балалар өчен тауларны агачтан ясарга әмер биргән иде. 

“Яшьлек“ паркында әнә шундый беренче тау барлыкка килде инде. Таудан көнозын бала-чага өзелми. И-и, рәхәтләнәләр таудан шуып... Балаларның шау-гөр килеп шууын кызыгып күзәтүче кайбер яшь әти-әниләр түзмиләр, үзләре дә тауга менеп китәләр. 

– Әгерҗедә мондый яхшы тауның булганы юк иде әле. Нәниләребезгә караганда, без ныграк сөендек әле. Балаларыбызны таудан алып кайтып булмый. Сабыйларыбызны сөендергән өчен район, шәһәр җитәкчелегенә мең рәхмәт, – ди Ирина Павлова.  

Район башлыгы күрсәтмәсе буенча мондый таулар Әгерҗедәге “Киров“, Альфа“, “Локомотив“ һәм “Заводская“  ТОСларында, янгын сүндерү часте ишегалдында да барлыкка киләчәк.