Әгерҗе районы авыл хуҗалыгы өлкәсендәге күрсәткечләрен начарайткан

Агымдагы елда Татарстанның агросәнәгать тармагына исәпләнгән бюджет акчаларын бүлгәндә, район һәм хуҗалыкларның махсус рейтингтагы урыннары исәпкә алына башлады. Кем күбрәк эшли – шул акчаны да күбрәк ала.

Таблицадан күренгәнчә, Әгерҗе районы 43 район арасында -  32нче урында. Шул ук вакытта безнең район – 2014 ел белән чагыштырганда, начаррак нәтиҗәләргә ирешкән районнар исемлегендә. Ул 12 позициягә арткарак “тәгәрәгән“. Әлеге исемлектә Аксубай, Тәтеш районнары да бар.