Әгерҗе җитәкчеләре акциягә кушыла

Татарстанда  икенче яртыеллыкка матбугат басмаларына язылу уңаеннан игълан ителгән “Әти-әниеңне яздыр“, “Якыныңны яздыр“ акциясенә район башлыгы Валерий Макаров иң беренчеләрдән булып кушылды һәм башка җитәкчеләрне дә якыннарына “Әгерҗе хәбәрләре“н яздырып бүләк итәргә өндәде.

Кичә Рамил Гыймазов (газ-эксплуатация хезмәте), Илфат Ямалиев  (“ЭнергоСервис“), Вәсилә Сафиуллина (мәгариф идарәсе),  Альфред Бадахшин  (финанс-бюджет палатасы) якынарына “Әгерҗе хәбәрләре“н  яздырып бүләк иттеләр.

Сез дә, бу акциягә кушылып, якыннарыгызга яраткан басмаларын яздырып бүләк итегез. Бу Сабан туена алар өчен менә дигән бүләк булыр.