ЯҢАЛЫКЛАР

Кадыбашта яшәүче Зәкия апа КАМАЛОВА һәм Миңнехәят апа ИШНИЯЗОВАны 90 яшьлек юбилейлары белән район башлыгы урынбасары Ришат Нурисламов һәм Кадыбаш авыл җирлеге башлыгы Илфат Рамазанов котладылар.

90, 95 яшьлек олуг юбилейларын күбрәк ак яулыклы әбиләребезгә каршы алу насыйп булса да, алар арасында шушы олы яшькә җитүче бабайларыбыз булу – үзе олы бәхет. Кичкетаңда яшәүче Гариф ага ХАФИЗОВ та 90 яшен пар канаты Динәсе белән бергә каршы алуына сөенә.

Халык үтенечен истә тотып, 6 февральдән Әгерҗенең тимер юл вокзалы белән олы базар арасында яңа автобус маршруты ачылды.

2нче мәктәп мәгариф хезмәткәрләрен спортның кышкы төрләре буенча спартакидага җыйды.

Мәктәптән тыш эшләр үзәгендә беренче тапкыр вожатыйлар арасында “Менә дигән вожатый“ дип исемләнгән бәйге узды.

Район үзәк хастаханәсендә киләчәкләрен медицина белән бәйләргә теләүче чыгарылыш сыйныф укучылары өчен Ачык ишекләр көне узды.

Тирсәдә яшәүче СИБАТОВларга кыш көне килсәң капка төбендә кар сыннары каршы ала, җәен ишегалларындагы җәнлекләргә, кошларга сокланасың. Ә өйләренә кергәч уңган хуҗабикә Лира ханым һәм аның оста куллы кызлары Лилия белән Алия бәйләгән, теккән, чиккән, ясаган әйберләрне күреп «телсез» каласың. Әнә шулай, матурлыкка гашыйк булып, үзләре могҗизалар тудырып яшиләр әниле-кызлы уңган Сибатовалар.

Районда беренче тапкыр балалар бакчаларында эшләүче хезмәткәрләр арасында “Ел белгече“ бәйгесе узды. Биш белгеч сыналган әлеге бәйгедә Красный бор бакчасының музыка җитәкчесе Гөлнара САЙРАНОВА җиңү яулады.

“Авылга кайтып яши башлавыбызга дүрт кенә ел булса да, аның тынгысыз тормышына ияләнеп беттек инде. Хәзер шәһәрдә яшәүне күз алдына да китермибез”, – ди Кадрәк авыл җирлеге башлыгы Александр МИХАЙЛОВ.  

7 февральдә 2нче мәктәптә “Әти-әниләр өчен Бердәм дәүләт имтханы тапшыру“ акциясе кысаларында БДИ тапшыру көне оештырыла.