ЯҢАЛЫКЛАР
Әгерҗе районы мөхтәсибәте макулатура җыю буенча “Кәгазьгә тормыш бүләк ит” акциясе игълан иткән иде. Уртак тырышлык белән 440 килога якын кәгазь җыелган.
Татарстанда яңа экотуристик маршрутлар пәйда булуын телисезме? Шулай икән, экотуризмны үстерү буенча Бөтенроссия бәйгесендә республикабызны хуплап тавыш бирегез!
Маяковский, Гоголь, Чайковский, Пушкин йортлары ишегалларында район Башкарма комитеты җитәкчесе Азат Вәлиев катнашында "Безнең ишегалды" республика программасы кысаларында җәмәгать фикер алышулары узды.
“Безнең маллар саны гел үзгәреп тора. Бүгенге көндә – тугызау”, диләр Азат–Гөлзада Асылмәрдановлар.
Питрауга кадәр үлән шифасы – яфракта, Питраудан соң – тамырда, диләр. Әлеге сүзләрне истә тотып, осталар пиннекне керәшеннәрнең төп бәйрәменә кадәр һәм аннан соң бер атна эчендә әзерләргә тырышалар.
Аларның бакчасына керсәң, башлар әйләнә. Бакчаның зурлыгына да, анда үсүче дистәләгән төр яшелчә, җиләк-җимешнең күплегенә дә хәйран каласың.
Кадрәк авылы гомер-гомергә умартачылары белән дан тота. Биредә утызга якын хуҗалык умарта тота. Алар үзләре дә: “Бездә умартачылар йорт аралаш та йорт саен” дип шаяртырга яраталар. Күптән түгел без дә шуларның берсендә – Виталий–Эльвира ИШИМОВЛАРда булып кайттык.
Яңавылда яшәүче Әминә–Миннәхмәт ШӘЯХМӘТОВларның икесенең дә күкрәген орден бизи. Әминә апа – Мактау билгесе, Миннәхмәт абый Хезмәт Кызыл байрагы орденына лаек.
“Үзем 3-4 яшьлек вакытымда әнисез калгангадыр, Ходайдан һәрвакыт минем балаларымны ятим итә күрмә“, дип сорадым. Аллаһы Тәгалә бүләгедер, мин 95кә кадәр җиттем“, – ди гомере буе Көчектә яшәгән, картлык көннәрен Әгерҗедә балалары янында уздыручы Миңнегалия әби ХӨСНЕТДИНОВА.
2020 елның 23 июлендә 11.00 сәгатьтә татарстанлылар өчен «Covid-19 шартларында эшчәнлек яңарту һәм спорт объектларының куркынычсызлыгын тәэмин итү турында» ике сәгатьлек онлайн-семинар узачак. Республика оператив штабында хәбәр итүләренчә, чараның максаты - эшчәнлекне торгызуда, шулай ук спорт объектларының куркынычсызлыгын тәэмин итүдә ярдәм күрсәтү, таләпләрне, аларның хуҗаларының һәм спорт чараларын оештыручыларның чыгымнарын тикшерү.