ЯҢАЛЫКЛАР

2014 ел йомгаклары буенча Татарстан – ил күләмендә хакимият органнары эшчәнлегенең нәтиҗәлелеге буенча бишенче ел рәттән беренче урында. Рейтинг нәтиҗәләре 7 майда Россия Хөкүмәте утырышында яңгырады.

Әгерҗедә Җиңүнең 70 еллыгына багышланган тантанада әлеге тарихи бәйрәмгә әзерләнүдә ярдәм иткән “Агро-Кама“ ширкәте директоры Ленар Нургаянов, “СтройГрад“ җитәкчесе Илнур Мифтахиев, “Строй-Гигант“ директоры Тигран Агаджанянга Татарстан җитәкчелегенең Рәхмәт хатлары тапшырылды.

“Җиңүнең 70 еллыгында ике улыма, оныкларыма, оныкчыкларыма бәяләп бетергесез истәлекле бик зур бүләк калдыруыма сөенеп йөргән көннәрем әле“, – ди сугыш һәм тимер юл ветераны, Әгерҗе шәһәренең мактаулы граҗданины Шәүкәт ага Акбашев.

Җиңү көнендә Әгерҗе стадионында узган спорт бәйрәмен тамаша кылганнар районыбызның яшь спортчылары белән, чын мәгънәсендә, горурланганнардыр.

Бөек Җиңүнең 70 еллыгы, адәм баласының яшенә, миллләтенә һәм диненә карамастан, һәркемгә якын булса да, ил азатлыгы өчен фронтта һәм тылда көрәшкән ветераннар, дәһшәтле сугышта әтиләрен югалткан сугыш чоры балалары өчен аеруча газиз, кадерле. Шатлыклы да, күз яшьле дә бу бәйрәм көнне аягында йөри алган һәр ветеран Җиңү мәйданына килергә тырышты.

Митинг  мәктәп укучыларының парады белән башланып китте .Ветераннарны бәйрәм белән район башлыгы урынбасары Нурисламов Р.Т. һәм Кадыбаш авыл җирлеге башлыгы Рамазангов И.Г. котлады Һәйкәлгә һәр оешма тарафыннан веноклар салынды . Митинг мәктәп укучыларының чыгышлары белән үрелеп барды .Тыл ветераны Шайхиев Йосыф абый елый- елый ул дәһшәтле еларда ничек эшләгәннәрен , яшәгәннәрен сөйләде.