ЯҢАЛЫКЛАР

Тумышы белән Рыс авылыннан булган якташыбыз Рамил Тураев җитәкләгән республика Кан үзәге Россиядә иң яхышысы дип табылган.

Әгерҗе шәһәрендә җиде урында балалар өчен таулар ясала.

9 декабрьдә Красный борда күптән көтелгән вакыйга – җәмәгать мунчасы ачыла.

ТР икътисад министрлыгы инициативасы белән менә инде икенче ел рәттән республика районнарында эшмәкәрләр өчен бушлай семинарлар уздырыла. Бүген мондый семинар Әгерҗе районы эшмәкәрләре өчен дә оештырылды. 

5 декабрь көнне  Шаршады авылы  җирлегендә  мөмкинлекләре  чикләнгән авылдашлар  хөрмәтенә  бәйрәм  кичәсе  уздырылды.

Инвалидлар декадасы барышында ЗАГС бүлегенә яшь парларның язылышу тантанасына Әгерҗедән хезмәт ветераннары Альберт–Фәридә ГАЙНУЛЛИНнар  чакырылган иде.

Инвалидлар декадасы барышында Тирсәдә урын өстендә ятучы 14 инвалидка тәм-томнар тутырылган пакетлар өләштеләр.

Менә бу утын яру җайланмасын Тирсәдә яшәүче Сабирҗан ХӘКИМОВның уллары Айнур һәм Азат ясаганнар.

     Без үскәндә Уразайда үзешчәннәр бик еш спектакльләр куя иде. Якташыбыз Юныс Әминев пьесаларын да бик еш  куйды авылымның сәхнә осталары. Алар куйган “Тамырлар”, “Өти балак”, “Язылмаган законнар”ны балачактан ук яттан диярлек белә идем. Күрше-тирә авылларга да еш йөрделәр алар. Юныс ага Барҗыда үзенең “Тамырлар”ын карап, уразайлылар хезмәтенә зур бәя биргән булган.

Кичә Әгерҗенең бер төркем театр сөючеләре Чаллыга Зифа Кадыйрованың “Язмыш сынавы“ әсәре буенча куелган спектакльне тамаша кылырга бардылар. Әлеге спектакльнең режиссеры – Татарстанның халык артисты, Россиянең атказанган артисты Илдар Хайруллин. Сәхнәләштерүче –  Габдулла Тукай бүләге лауреаты Ркаил Зәйдулла.