ЯҢАЛЫКЛАР
Казанда педагогларның һөнәри осталыгын бәяләүче конкурслар уза башлады. Укытучылар “Иң яхшы математика укытучысы”, “Ел сыйныф җитәкчесе”, “Ел тәрбиячесе” һәм “Педагог-китапханәче” номинацияләрендә ярышачаклар.
Кеше бу тормышта нинди генә катлаулы хәлләргә юлыкмый?! Урыннардагы кайбер түрәләрнең җан авазын ишетмәмешкә салышкан яки үз проблемасы белән япа-ялгыз калып, башын ташка орыр хәлгә килгәндә кемгә барып бәрелергә белми торган чаклары да була адәм баласының.
Туган якка кошлар кайткан иң күңелле, иң матур вакытта буй җиткән егетләребез хәрби бурычларын үтәргә китәләр. Ярый әле, күпкә түгел, икенче язга кошлар белән бергә алар да туган йортларына кайтып җитәчәкләр.
2014 елда Татарстан табибларының хезмәт хакы 38 мең 206 сум тәшкил итәргә тиеш. Бу хакта ТР Дәүләт Советының социаль сәясәт буенча комитеты утырышында республиканың Сәламәтлек саклау министры урынбасары Елена Шишмарева әйтеп узды. Урта медицина персоналының хезмәт хакы 22 мең 275 сумга, кече персоналның 14 мең 908 сумга менәчәк. “Барлык саннар да килешенгән һәм тиешле юл карталарында беркетелгән” дип хәбәр итте министр урынбасары.