ЯҢАЛЫКЛАР
Май чабу (Масленица) – елның иң күңелле бәйрәме. Ул быел 7 мартта белен атналыгы белән башланып китте һәм 13 мартта төгәлләнә. Әгерҗедә бу шимбәдә, 12 мартта, көндезге сәгать бердә район Мәдәният сарае каршындагы мәйданда Май чабу бәйрәме уздырыла.
Барыбызның да күз алдында, соңгы елларда республикабызда юллар төзелешенә зур игътибар бирелә. Күпләрегезнең “Татарстан чикләрен узу белән юлсызлыкны шунда ук сизә башлыйсың. Татарстан юллар төзү буенча күп төбәкләр өчен үрнәк“, дигән сүзләрне ишеткәне бардыр. Моның шулай икәнлеген үзебезнең район юлларына чыккач та күрәбез.
Әгерҗе район судында займ, кредит килешүе буенча түләүгә кагылышлы эшләр саны артканнан-арта бара. Узган ел гына да шундый 398 эш каралды.
Гүзәл затларыбыз бәйрәме алдыннан Тирсә спорткомплексында спартакиада программасына кертелгән берничә спорт төрен уздыру матур традициягә әйләнде.
23 февраль – ир-егетләр бәйрәмендә Исәнбай мәктәбендә волейбол уены бик кызыклы булган иде. 8 Мартта хатын-кызлар арасында ярыш уздырылачак дип кисәтеп куйдылар бәйгене оештыручылар.
Госдума депутатының бәйрәм белән котлавы
Казанның Салих Сәйдәшев исемендәге Дәүләт Зур концертлар залында 8 Март – Халыкара хатын-кызлар көненә багышланган тантаналы чара узды. Бәйрәмдә безнең районның гүзәл затлары да катнашты.
8 Март бәйрәме алдыннан Әгерҗедән тыл һәм хезмәт ветераны Разия Гыймадетдинованы 90 яшьлек олуг юбилее белән котларга Әгерҗе шәһәре башкарма комитеты җитәкчесе Илназ Сәфәров барды һәм аңа Рәсәй Президенты Владимир Путинның котлау открыткасын, район башлыгы Валерий Макаров исеменнән бүләкләр, чәчәк бәйләме тапшырды.
Хатын-кыз нәфис зат дияргә яратсак та, арабызда җигелеп тормыш көтүче, ир-егетләр эшен башкаручы ханымнар бик күп. Кирәк икән хатын-кызлар төзелештә иң авыр хезмәтләрне башкара, коллективта ирләр белән җитәкчелек итәргә дә булдыра, йөк машиналарын да иярли, төнлә таксида хезмәт күрсәтергә дә батырчылык итә. Әйдәгез, бәйрәм алдыннан сүзне утта янмас, суда батмас шундый көчле гүзәл затларыбызга бирик әле.