ЯҢАЛЫКЛАР

9 сыйныфлар өчен имтиханнар 28 майда башлана. Бу көнне алар җәмгыять белеме, химия, әдәбият, информатика бирәчәкләр.

2014 елда Татарстан табибларының хезмәт хакы 38 мең 206 сум тәшкил итәргә тиеш. Бу хакта ТР Дәүләт Советының социаль сәясәт буенча комитеты утырышында республиканың Сәламәтлек саклау министры  урынбасары Елена Шишмарева  әйтеп узды. Урта медицина персоналының хезмәт хакы 22 мең 275 сумга,  кече персоналның 14 мең 908 сумга менәчәк. “Барлык саннар да килешенгән һәм тиешле юл карталарында беркетелгән” дип хәбәр итте министр урынбасары.

Пассажирларны йөртү ГТЮ полигоннарында тормышка ашырылачак

Республика парламенты  депутатлары ТРның Туризм буенча дәүләт комитетына Татарстанда авыл туризмын үстерүче фермер хуҗалыкларына ярдәм итү чараларын уйларга кушты.

10 апрельдә Татарстан мөфтие Мәскәүгә эшлекле сәфәре кысаларында Россия мөселман яшьләре берлегенең Мәскәүдә бүлеге ачылу тантанасында катнашты. Яңа бүлек Мәскәү яшьләре активисты Рәмис Якупов җитәкчелегендә эшләячәк.

Яшьләрнең “Созвездие - Йолдыздык” республикакүләм ачык телевизион заманча эстрада сәнгате фестиваленың суперфиналы 14-17 апрельдә Казанның “УНИКС” мәдәни-спорт комплексында үткәреләчәк. Фестиваль конкурсларының зона турлары республиканың 10 шәһәре һәм район үзәгендә 1 февральдән 31 мартка кадәр уздырылган булып, 5 яшьтән алып 21гә кадәрге 4 меңнән артык яшь татарстанлы финалга узды. Әгерҗе районыннан 18 яшь талантлы башкаручы катнашачак.

Татарстанда тимер юлны аркылы чыгу урыннарына видеокамералар кую планлаштырыла, диде кичә журналистлар белән очрашуда Горький тимер юлы начальнигы урынбасары Александр Черемнов.

Татарстан Президенты Сабантуй узачак көн билгеләнгән указга кул куйды.