ЯҢАЛЫКЛАР

Быел “Миллиончы катнашучы“ лозунгы астында узган “Созвездие-Йолдызлык“ республика телевизион яшьләр фестиваленең Минзәләдәге зона турында балкыганнан соң, Әгерҗе йолдызчыклары Казанда суперфиналда катнашу хокукына ия булган иде.

“Мәдәни салават күпере“ фестиваленең быелгы темасы – “Минем шәһәр – минем бәйрәм“ дип атала. Ул Әгерҗенең 80 еллыгына багышлана.

Фашист концлагерьлары тоткыннарын искә алу көнендә ТР Хезмәт, мәшгульлек һәм социаль яклау министрлыгының Әгерҗе районындагы бүлеге начальнигы Альмира Зарипова Әгерҗедә яшәүче Валентина Титовага бүләк тапшырды.

Россия Хәрби комиссариатларына – 100, Әгерҗе һәм Красный бор хәрби комиссариатына 80 ел тулу уңаеннан район Мәдәният сараенда узган тантана котлауларга һәм бүләкләүләргә бай булды.

Тәбәрленең “Ләйсән“ театр һәм Кичкетаң халык театр коллективлары Зәйдә Шамил Закиров исемендәге “Идел-йорт“ төбәкара фестивальнең зона турында катнаштылар. Унсигезенче тапкыр уздырылучы әлеге бәйгедә быел 50 театр коллективы катнашырга теләк белдергән.

Мәктәптә, югары уку йортында укыганда дуслар арасында анкета тутыру “мода“да иде. Сораулар күп һәм төрле булса да, аның берсе һәрвакыт кабатланып килде: “Яраткан укытучың кем?”. Мин, бу сорауга ике дә уйламыйча, “беренче укытучым – Тәскирә Хәмзә кызы Хуҗина ”, дип язып куя идем.

Нечкә күңелле табигать баласы, ипле, итагатьле, тырыш, тыйнак, әдәпле... Бу күркәм сыйфатлар аңа тумыштан да, гаиләдәге үрнәк буенча да бирелгән. Сүзем Девәтернә мәктәбенең алдынгы укучысы Лиана ГАББАСОВА турында.

Гармун моңы – авыл кешесенең күңелендә, йөрәк түрендә. Кемдер сәхнәдән тарата ул моңны, кемдер үзе өчен генә уйный...

“Чулпанның безгә килен булып төшкәненә унбер ел. Шуның кадәр вакыт әниле-кызлы кебек яшибез. Зур гаилә булып гомер кичерүебез белән бәхетле без“, – ди Иж-Бәйкидән Гүзәлия Хаматова.

Кырынды мәчетендә 2000 елдан бирле дини укулар алып барыла. Шунысы куанычлы: укырга теләүчеләр күп биредә.