Быел район башлыгы Валерий Макаров шәһәребездә балалар өчен тауларны агачтан ясарга әмер биргән иде. 

Район башлыгы Валерий Макаров Әгерҗе тимер юл узелы предприятиеләре җитәкчеләре белән очрашу уздырды. Очрашуга Әгерҗе шәһәр Советы депутатлары да чакырылган иде.

18 декабрь – ЗАГС хезмәткәрләре көне.

Шул уңайдан районыбызда Лилия Госманова җитәкчелегендәге ЗАГС хезмәткәрләрен һөнәри бәйрәмнәре белән район башлыгы Валерий Макаров, район башкарма комитеты җитәкчесе Андрей Авдеев котладылар.

Танылып, дан алып хезмәттә,

Ирештең лаеклы хөрмәткә.

Гомерең заяга үтмәгән,

Илеңдә кадерең бетмәгән...

Татарстан Президенты Рөстәм Миңнеханов республикада юл хәрәкәте куркынычсызлыгын арттыруга багышланган утырышта: “ГЛОНАСС күзәтү системасы белән җиһазланмаган мәктәп автобусы рейска чыгарга тиеш түгел“, – дигән катгый таләп куйды. Ә безнең район укучыларын йөртүче мәктәп автобусларында әлеге һәм башка таләпләр үтәләме?

Бу атнада ТР Авыл хуҗалыгы һәм азык-төлек министрлыгында “ТРның иң яхшы авыл хуҗалыгы комплексы  белгече“ дип аталган III республика бәйгесен йомгаклау тантанасы узды.

Сер түгел, хәзерге заманда кәгазь боткасына күмелеп, компьютерда казынып утыру күп вакытны алгангамы эштән күпләр тәм табалмый. Шуңа күрә без педагоглар алдына башлангыч сыйныфтан ук укучылар белән һөнәр сайлау буенча эш алып баруны максат итеп куябыз. Әле шушы көннәрдә мәгариф учреждениеләре җитәкчеләре белән узган киңәшмәдә дә әлеге сорау буенча сөйләшү булды.

Яңа ел нинди дә булса яңалык, үзгәреш алып киләсен көт тә тор. Алдагы Маймыл елы да 2016 елның 1 январеннан пенсиягә чыгачак пенсионерларга кагыла. Аларны күп керемле һәм аз керемлеләргә бүләчәкләр. Акчасы күбрәк булганнарга социаль ташламаларны киметәчәкләр. 

Быел “Агро-Кама“ ширкәте беренче тапкыр кукуруз орлыгын суктыру эшен оештырды. Күптән түгел әлеге эш буенча нәтиҗәләр ясалды. Кукуруз орлыгы суктыруда аеруча яхшы эшләгән механизаторларны бозау белән бүләкләде. Тере бүләккә Илһам Кәрәмиев (“Яңавыл“ бүлекчәсе), Михаил Тойзянов һәм Олег Михайлов (“Варкләд-Бодья“), Анатолий Трефилов (“Биектау“) лаек булды. 

23 декабрьдә Болгардагы Ак мәчеттә мәүлид бәйрәме уза. Анда Россия төбәкләреннән мөфтиләр, дин әһелләре һәм җәмәгать эшлеклеләренең катнашуы көтелә. Безнең районнан әлеге чарада район имам-мөхтәсибе Мөхәммәтазат хәзрәт Гатин катнашачак.