ЯҢАЛЫКЛАР

26 нчы апрель көнне Үтәгән авыл клубында Габдулла Тукайның 130 еллык юбилеен билгеләп үтү кичәсе узды.

Бөек шагыйрь Габдулла Тукайның тууына – 130, вафатына 103 ел узып аралар ерагая барган саен ул безгә якты йолдыз булып һаман да якыная бара. Әнә, укучыларыбыз аның әсәрләрен заманчалаштырып ничек оста уйныйлар!

Тукай исән булса, бүген Татарстанда гына түгел, хәтта чит илләрдәге милләттәшләребезнең дә үзен ничек зурлауларын, йөз елдан артык элек язылган шигырьләрен 3-4 яшьлек сабыйларның да, 70-80 яшьлек әби-бабайларның да дәртләнеп сөйләүләрен күреп шаккатыр иде, мөгаен. Бөтен татар дөньясы апрель ае буе Тукай рухы, Тукай иҗаты белән яшәде.    

Бүген район Мәдәният сараенда беренче тапкыр сәләтле балалар фестивале узды.

Бер ай дәвамында районда иҗат һәм фольклор коллективлары арасында традицион “Мәдәни салават күпере“ смотр бәйгесе узды. Биш зонада узган бәйгедә иң яхшы чыгышлар сайланып, иҗат коллективлары кичә Мәдәният сараенда финалда янә бер кат “иләктән иләнделәр“.

Әгерҗедә үз хуҗалыклары белән яшәүче өлкән яшьтәге әниебез белән әтиебезгә чүпләрен алып китү һәм аның өчен түләү турында килешү төзергә кушалар. Олы кешенең чүбе күп буламени инде аның? Әтиебезнең мондый килешү төзисе килми. Атнага бер тапкыр мин аларның вак-төяк чүпләрен алып, контейнерга ташлап китәм. Ни өчен аларны чүп түгү буенча килешү төзергә мәҗбүр итәләр?

Быел Әгерҗедә – сигез, Красный бор һәм Тирсәдә берәр күпфатирлы йортта капиталь төзекләндерү эшләрен башкару өчен районга 25 миллион сумнан артык акча бүлеп бирелде. Күп йортларда кыш айларыннан бирле ремонт эшләре гөрли. Кайберләрендә инде ул финишка якынлаша.

Бүген, 27 апрельдә, Әгерҗегә Монополиягә каршы федераль хезмәтнең ТР буенча идарәсе җитәкчесе урынбасары Павел Козел һәм матбугат хезмәте житәкчесе Айсылу Гомәрова килделәр. 

Габдулла Тукайның  туган көнендә “Яшьлек“ паркында зур бәйрәм узды.

Әгерҗенең “Авангард“ кинотеатрында Габулла Тукайның туган көнендә үзенчәлекле бәйрәм булды.  Районыбызның ун мәктәбе укучылары Тукай әсәрләрен заманчалаштырып күрсәттеләр. Язучының “Кәҗә белән Сарык“, “Су анасы“, “Шүрәле“, “Пар ат“ һәм башка әсәрләренә укучылар заманча төсмер биреп, җыр-биюләр белән баетканнар.